Surxondaryo viloyati hokimi Ulug‘bek Qosimov Jarqo‘rg‘on tumani Qorayontoq mahallasida aholi bandligini ta’minlash, daromadlarini oshirish, kambag‘allikni qisqartirish borasidagi ishlar bilan tanishib, mutasaddilarga vazifalarni belgilab bergan edi.

2024-09-08

Kecha xabar berganimizdek, Surxondaryo viloyati hokimi Ulug‘bek Qosimov Jarqo‘rg‘on tumani Qorayontoq mahallasida aholi bandligini ta’minlash, daromadlarini oshirish, kambag‘allikni qisqartirish borasidagi ishlar bilan tanishib, mutasaddilarga vazifalarni belgilab bergan edi. 

Bugun viloyat rahbari Jarqo‘rg‘onga tashrif buyurib ushbu mahallada amalga oshirilayotgan ishlar hamda berilgan topshiriqlar ijrosi bilan tanishdi. Ko‘makka muhtoj, og‘ir toifadagi oila sifatida tanlab olingan xonadonlarda mutasaddilar tomonidan olib borilayotgan ishlar ko‘zdan kechirildi. 

Xonadonlar bilan tanishuv davomida viloyat rahbari iqtidorli o‘quvchining matematika fani bo‘yicha bilimlari bilan qiziqdi. Berilgan savollarga aniq va tezkor javob bergan o‘quvchiga velosiped sovg‘a qilindi.