Assalomu alaykum! Qadrli Ustozlar, Barchangizni 1-oktabr "O‘qituvchi va murabbiylar kuni" umumxalq bayrami bilan samimiy muborakbod etaman.

2024-09-30

Assalomu alaykum!

Qadrli Ustozlar,

Barchangizni 1-oktabr "O‘qituvchi va murabbiylar kuni" umumxalq bayrami bilan samimiy muborakbod etaman.

Muhtaram prezidentimiz o'z tabriklarida “Taʼlim – sohalar ichida eng dolzarbi, maktab – eng muhimi bo‘lsa, o‘qituvchilik kasblar orasida eng ulug‘idir. Shaxsan men o‘qituvchi deganda, o‘zim uchun aziz va qadrli bo‘lgan zotlarni, yuz-ko‘zidan nur yog‘ilib turadigan mo‘tabar insonlarni tasavvur qilaman. Ular  zamonamizning eng ilg‘or kishilari, jonkuyar, vatanparvar, xalqparvar insonlardir. Shu sababli xalqimiz o‘zining eng katta boyligini – farzandlari tarbiyasini o‘qituvchilarga ishonib topshiradi”, deya taʼkidladilar.

Darhaqiqat, ertangi kelajagimiz bo‘lgan yosh avlodga ta’lim berish, ularni yetuk va bilimli bo‘lib shakllanishida sizning o'rningiz beqiyos.

Fursatdan foydalanib, mas’uliyatli va sharafli ishlaringizda muvaffaqiyatlar tilayman!

Hurmat bilan,

Odiljon Yaqubov

Surxondaryo viloyati Kambag'allikni qisqartirish va bandlik bosh boshqarmasi boshlig‘i