O‘zbekiston Respublikada faoliyat yuritayotgan barcha turdagi ish beruvchilar diqqatiga!!!

2024-10-15

O‘zbekiston Respublikada faoliyat yuritayotgan barcha turdagi ish beruvchilar diqqatiga!!!

❗️ “Ish beruvchining fuqarolik javobgarligini majburiy sug‘urta qilish to‘g‘risida”gi O‘zbekiston Respublikasi Qonunining 4-moddasiga (https://lex.uz/docs/1471197#1471538) asosan “Xodim o‘z mehnat vazifalarini bajarishi bilan bog‘liq holda mehnatda mayib bo‘lishi, kasb kasalligiga chalinishi yoki sog‘lig‘ining boshqacha tarzda shikastlanishi munosabati bilan uning hayoti yoki sog‘lig‘iga yetkazilgan zararning o‘rnini qoplash bo‘yicha ish beruvchi o‘z fuqarolik javobgarligini majburiy sug‘urtalashi shart”.

Davlat mehnat inspeksiyasi tomonidan yuqoridagi qonun talablarining bajarilishi Yagona avtomatlashtirilgan axborot tizimi (ersp.e-osgo.uz) (https://ersp.e-osgo.uz/) orqali o‘rganilganda respublikamizdagi 481 mingdan ortiq ish beruvchilar o‘zlarining fuqarolik javobgarligini majburiy sug‘urtalamaganligi aniqlangan.

Hududlar bo‘yicha tahlil qilinganda:
▪️Qoraqalpog‘iston Respublikasida – 24 ming;
▪️Andijon viloyatida – 30 ming;
▪️Buxoro viloyatida – 30 ming;
▪️Jizzax viloyatida – 22 ming;
▪️Qashqadaryo viloyatida – 35 ming;
▪️Navoiy viloyatida – 24 ming;
▪️Namangan viloyatida – 27 ming;
▪️Samarqand viloyatida – 48 ming;
▪️Surxondaryo viloyatida – 24 ming;
▪️Sirdaryo viloyatida – 13 ming;
▪️Toshkent viloyatida – 46 ming;
▪️Farg‘ona viloyatida – 46 ming;
▪️Xorazm viloyatida – 26 ming;
▪️Toshkent shahrida – 81 ming.

⚠️ Qonunchilik talablarini bajarmaslik mansabdor shaxslarga bazaviy hisoblash miqdorining 10 baravaridan 15 baravarigacha miqdorda jarima solishga sabab bo‘ladi.