Сурхондарёда мустақиллигимизнинг 33 йиллиги шодиёналари кенг тантана қилинди

2024-08-29

Сурхондарёда мустақиллигимизнинг 33 йиллиги шодиёналари кенг тантана қилинди

Термиз шаҳридаги муҳташам “Санъат саройи” мажмуасининг “Aлпомиш” амфитеатрида воҳалик ишлаб чиқариш илғорлари, фермер ва тадбиркорлар, нуронийлар, ёшлар ва кенг жамоатчилик вакиллари ҳамда воҳа меҳмонлари иштирокида “Бир бўлсак – ягона халқмиз, бирлашсак – Ватанмиз!” шиори остидаги байрам шодиёналарига бағишланган консерт дастури бўлиб ўтди.

Тадбирда Ўзбекистон Халқ артисти Юлдуз Усмонова, Ўзбекистонда хизмат кўрсатган артистлар Ҳосила Рахимова, Сайёра Қозийева ҳамда естрада юлдузлари Ботир Қодиров, Жаноб Расул ва “Божалар” гуруҳи, шунингдек, шоир Шодмонқул Салом, воҳамизнинг таниқли, хушовоз санъаткорлари, маданият ва санъат ходимлари ўз чиқишлари билан иштирок етди.

Давлат ва жамоат ташкилотлари, хорижий меҳмонлар, воҳамиз фаоллари ва жамоатчилиги иштирокида байрам тадбирлари кўтаринки руҳда ўтказилди.