Angor tumanida press-tur: aholi turli yo‘nalishlarda qo‘shimcha daromad topmoqda

2025-05-17

Angor tumanida press-tur: aholi turli yo‘nalishlarda qo‘shimcha daromad topmoqda

OAV va ijtimoiy tarmoq faollari uchun tashkil etilgan press-tur doirasida ishtirokchilar Madaniyat va Sharq guli mahallalalaridagi aholi xonadonlarida bo‘ldilar.

Press-tur davomida aholining tomorqadan unumli foydalanish, issiqxonada sabzavot yetishtirish, intensiv bog‘dorchilik, chorvachilik, parrandachilik, shuningdek, tikuvchilik faoliyati orqali oilaviy daromadini oshirayotgani namoyon bo‘ldi.

Mahallada istiqomat qiluvchi oilalar o‘z hovlisida qo‘y, echki, mol va parrandalar boqish orqali ham oziq-ovqat xavfsizligiga hissa qo‘shayotgani, ayrim xonadonlarda esa kichik tikuv syexlari tashkil etilgani qayd etildi.

Press-tur ishtirokchilari bu tajribalarni ommalashtirish muhim ekanini ta’kidlab, aholi bandligini ta’minlashda mahallalardagi shunday tashabbuslarning ahamiyati katta ekanini qayd etdilar.