7 октябрь — Бутунжаҳон муносиб меҳнат куни

2024-10-07

7 октябрь — Бутунжаҳон муносиб меҳнат куни

Бутунжаҳон муносиб меҳнат куни (World Day for Decent Work) ҳар йили дунё бўйлаб меҳнат ҳуқуқлари ва ижтимоий адолатни таъминлаш мақсадида нишонланади. Бу кун, 2008 йилдан бошлаб, Халқаро меҳнат ташкилоти (ХМТ) томонидан ташкил этилган бўлиб, унинг асосий мақсади — одамларнинг меҳнат шароитларини яхшилаш, адолатли ва муносиб меҳнатни таъминлашга эътибор қаратишдир.

Ушбу кунда турли тадбирлар, семинарлар ва акциялар ўтказилади, одамларга муносиб меҳнатнинг аҳамияти ҳақида маълумот бериш, ишчиларнинг ҳуқуқларини ҳимоя қилиш ва глобал миқёсда ижтимоий адолатни таъминлаш учун ҳаракат қилишга чақириш мақсад қилинган. 

Сана муносабати билан, Камбағалликни қисқартириш ва бандлик вазирлиги Давлат меҳнат инспекцияси томонидан корхона ва ташкилотларда Халқаро меҳнат ташкилотининг Муносиб меҳнат концепциясида белгиланган қуйидаги тамойиллар юзасидан тарғибот тадбирлари ўтказилмоқда.

▪️иш ўринларини яратиш ва самарали бандликни таъминлаш;

▪️хавфсиз меҳнат шароитларини таъминлаш;

▪️ижтимоий ҳимоя;

▪️меҳнат ҳуқуқларини таъминлаш;

▪️меҳнат муносабатлари иштирокчиларининг ижтимоий мулоқоти ва ижтимоий ҳамкорлиги.