Сурхондарё вилояти Камбағалликни қисқартириш ва бандлик бошқармасига бириктирилган ҳудудда Яшил макон умуммиллий ҳаракати доирасида 500 дан ортиқ манзарали ва мевали кўчатлар экилди.

2024-12-03

Яшил макон – барқарор келажак асоси

Яшил макон инсон ҳаётининг муҳим қисми бўлиб, экологик барқарорликни таъминлашда катта аҳамиятга эга. Дарахтлар ва ўсимликлар нафақат ҳавони тозалайди, балки иқлим ўзгаришини барқарорлаштиришда, тупроқ эрозиясини камайтиришда ва биохилма-хилликни сақлашда ҳам муҳим роль ўйнайди.

"Яшил макон" дастури доирасида миллионлаб дарахтлар экиш лойиҳалари амалга оширилмоқда. Бу нафақат экологик вазиятни яхшилайди, балки янги иш ўринлари яратиб, аҳоли турмуш даражасини оширишга хизмат қилади.

Бугун Сурхондарё вилояти Камбағалликни қисқартириш ва бандлик бошқармасига бириктирилган ҳудудда Яшил макон умуммиллий ҳаракати доирасида 500 дан ортиқ манзарали ва мевали кўчатлар экилди.

Унда соҳада фаолият олиб бораётган ишчи ходимлар, ёшлар, кўнгиллилар кўчат ва дарахтларни экиш жараёнларида иштирок этишди.

Дарахт экиш, боғлар ташкил этиш ва асраш орқали биз келажак авлод учун соғлом муҳит қолдиришимиз мумкин.