Меҳнат шартномаси қандай мақсадларга кўра дастлабки синов билан тузилиши мумкин?

2025-06-11

Меҳнат шартномаси қандай мақсадларга кўра дастлабки синов билан тузилиши мумкин?

▫️ходимнинг топширилаётган ишга мувофиқлигини текшириш;

▫️меҳнат шартномасида шарт қилиб кўрсатилган ишни давом эттириш мақсадга мувофиқлиги ҳақида ходим томонидан қарор қабул қилиш.

Дастлабки синовдан ўтиш меҳнат шартномасида шартлашилган бўлиши керак. Бундай шартлашув мавжуд бўлмаган тақдирда, ходим дастлабки синовсиз ишга қабул қилинган деб ҳисобланади.

Дастлабки синов муддати уч ойдан, ташкилотларнинг раҳбарлари ва уларнинг ўринбосарлари, бош бухгалтерлар ҳамда ташкилотлар алоҳида бўлинмаларининг раҳбарлари учун эса олти ойдан ошмаслиги керак.

❗️ Вақтинча меҳнатга қобилиятсизлик даври ва ходим ҳақиқатда ишда бўлмаган бошқа даврлар дастлабки синов муддатига қўшилмайди. (https://lex.uz/ru/docs/-6257288#-6260620)