Сурхондарё вакили Республика танловида ғолиб бўлди

2025-12-22

Сурхондарё вакили Республика танловида ғолиб бўлди

Тошкент шаҳрида "Обод хонадон", "Обод кўча" ва "Обод маҳалла" кўрик-танловининг Республика босқичи бўлиб ўтди. Мазкур танловда номинациялар бўйича ҳудудий босқич ғолиблари иштирок этиб, ўз тажриба ва ташаббусларини намойиш этдилар.

Қувонарлиси, "Обод хонадон" номинацияси бўйича Республика босқичида фахрли 1-ўринни Сурхондарё вилояти Термиз тумани Қаҳрамон маҳалласида истиқомат қилувчи хонадон эгаси Халбаев Бабаёр Маматович қўлга киритди. Ғолибга Ўзбекистон Республикаси Президенти совғаси — "Дамас" автомобили топширилди.

Ушбу ютуқ Сурхондарёда обод ва намунали хонадонлар сони ортиб бораётганининг ёрқин ифодаси бўлиб, Бабаёр Халбаев хонадонини вилоятимиз жамоатчилиги номидан самимий муборакбод этамиз.